හීනෙන් ඇවිත්.............

හීනෙන් ඇවිත්...........                                                 


පිපුනත්  නුඹේ  ගේ  දොරකඩ අතගාව
දිලුනත් සුවඳ  දී නුඹටම ; අතපෑව
කවදත් නුඹෙයි මට ; අද වෙනතක ආව
තවමත් නුඹේ සුවඳයි  මගේ හිත ගාව


දුර නොපෙනුන නිසා මෑතම බලාගෙන
කරදර ඉවර විනියැයි හිත හදාගෙන
බර හිසමතට ගෙන වීරිය ලබාගෙන
වැරදෙන තුරුම යමි දෙනුවන් පියාගෙන


බෝසත්  ගුන සපිරි යහගුණ සමුදාය
මා සිත්  ළතැවුලෙන් දවසක මුදවාය
නෑවිත් ගියත් රුව සිත බැදි ; පෙරසේය
මා නෙත් අඳ වුනේ නුඹ ළග නැතිදාය


පිපි කුසුමක් ලෙසින් නුඹ ලග මිලිනවුන
හැපි හැපි ; බොහෝ දේ ජය ගෙන එතෙරවුන
නොපිරුන නිසා පිං නුඹෙළග නතරවන
වැගිරෙන කදුළු මිස මොන සැනසුමද     වෙන


රෑ  බෝ වෙලත් මඟ බලමින් සිටිනවද ?
කෑවත් නැතත් එක පතටම බෙදනවද ?
මා මෙන් ඔබත් එක හීනෙම දකිනවද ?
හීනෙන් ඇවිත් රන්කඳ තනි රකිනවද ?


සි එස් බණ්ඩාරනායක