පමා නොවී යමු අකුරට
දමා යා නොහැක අත්වැල බැඳුනු මිතූ
නිමා වක් දකිමු සුභ සිහිනයක පැතූ
අමා වක අඳුර බිඳ සිප් සතර ගෙතූ
පමා නොවී යමු අකුරට මෙයින් මතූ
අත්ත නොබිඳිමින් නාමල නෙලාගෙන
ඇත්ත දැන දැනත් රජවරු හදා දෙන
මුත්තා ගේ කාලේ සිට රැව‍ටුනා මෙන
සත්ත කින් අපේ මඟ කවුරුදෝ ගෙන
අල්ලට සිඟා නොව ටී වී එකෙන් බලන්
මල්ලට සමෘඳිය පුරවා ගෙදර යමන්
නිල්ලට පූදිනා ගොයමට වතුර බැදන්
දෙන්නට සමත්තෝ ඇත්නම් පෙරට වරෙන්
කැළේ කොලේ පිපුනත් මල් සුවඳ මෙන
පැළේ පිලේ අපිටත් මඟ උරුම වෙන
කලේ හැම සතර අත්වැල බදින මෙන
වලේ නොවැටෙනා පාඩම කියනු මැන!
ලස්සන පින්තූරය සහ කවිය....
ReplyDeleteලස්සන අර්ථවත් කවි පෙලක්.
ReplyDeleteමැණික්(සුළඟ)
@ indi
ReplyDeleteහෙටක් පතාගෙන ඇස් පාදවා දෙන
දුකක් නැතිව අකුරට යන මඟක් ගෙන
නිමක් නොවන ඒ දඩු මං පෙතේ යන
ලොවක් දැක, ඔබෙත් කදුලක් එකතු වෙන
හරිම ලස්සන කවි පංතියක්. ඒ වගේම පිංතූරෙත් ලස්සනයි.
ReplyDeleteඅපූරුයි යාඵ...
ReplyDelete@ මැණික් (සුළඟ)
ReplyDeleteනෙත් මායිමෙන් පිටතට බැල්මක් හෙලන
ඇත්තෙක් වෙතොත්,දැකියැකි ලොව දුක් විඳින
මුත් නුඹ මෙන්ම මම ඒ නපුරින් මිඳුන
සිත් සසළවයි,නෙතඟින් කදුළක් රැ‍ඟෙන
@ isimbuwa
ReplyDeleteනොමැතිව ඉසිඹුවක් එක හැල්මේ දුවන
නොපෙනෙන හෙටක් ගැන ඉත සිතකින් පතන
සුපිපෙන මල් කැකුළු හෙට ලොව ජය ලබන
අතුරක පහස ගෙන අකුරක නෙත් ලබන
@ Outsider
ReplyDeleteපිපි මල් කැකුළු රොද බැඳ අකුරකට පෙමින්
නොපිරුන අනාගතයක සුභ සිහින ඇරන්
විපරම කවුරුදො,පෙරමඟ බිඳපු හොරෙන්
අපි හැම පිටස්තරයින් වෙමු ,ලොවට එවන්
ෂහ් මෙක නම් උපරිමයි... කවියයි පින්තූරයයි දෙකම... ජයවේවා ඔබතුමාට....
ReplyDelete@ තිස්ස
ReplyDeleteකවදත් ඉතින් කවි රස විඳිමින් යනෙන
හිතවත් තිස්ස මහතානෙනි ශුභ පතන
ගිනිගත් ලොවකි තවමත් දෙකොනම දැවෙන
මදිහත් සිතින් කදුලකි නෙත තුල බිඳුන
හරිම ලස්සනට ලියලා තියෙනවා . . අපූරුයි
ReplyDeleteකවදත් වගේ මේ කවියත් හරි ඉහලයි
ReplyDeleteපින්තූරය දුටු විටනම් හද කකියයි...
විහග තුඩින් ලියනා කවි රස උතුරයි
තව දුරටත් ලියනා මෙන් හිත ඉල්ලයි..
@ දුකා
ReplyDeleteඇල් මෙන් අකුරකට මඟ ගෙවමින් මිතුරේ
කල් යල් බලන්නෙද තව කොටසක් අතුරේ
මල් මෙන් රටෙහි උරුමය. කෙලෙසක අඳුරේ
ගිල් වන්නට නොහැක හිරු පායයි නුදුරේ
@ මම
ReplyDeleteහිතේ බර බොහෝය පාසැල නුදුරේය
ගතේ වීරියම හිතයට තෙරපේය
නැතේ හෙටක්, හෙට අපිටත් අද සේය
පොතේ දැනුම, තව පැනි කෑමක් සේය