සිඳ බිඳ දුක් තැවුල් අත නෑරිය කතර
විඳ විඳ දුකම වූවත් සතුටින් නිතර
හද බැඳ ගත් පැතුම මල් පූදිනු අතැර
ඉඳ ඉඳ එක වෙහෙර නුඹ නොවිනුද එතෙර
යන්තම් සිනාවට බැඳි පෙම කවුරු දනී
රන්දම් හුයත් නැති බැරිදා සින්න උනී
යන්තම් ත‍ටු ලබා ඉගිලෙන සවිය දුනී
මං නම් ඉතිං හැමදාමත් එලෙස මෙනී
තැවුල් සිත් සතන් හැමදා පෑර විනී
අවුල් වුනේ සිත, ඒ වියවුල්ම දනී
නොකෙරෙන වෙදකමට නොලැබෙන බෙහෙත වැනී
නාහෙන් ඇඬූවත් කිසිදා සුව නොවුනී
යාදෙක නොරත රත පෑහෙනු නැතිවාය
හීනෙක හැමදාම කිමිදෙනු හරිනෑය
දීගෙක ගිය නමුත් හෙවනැලි ඇදවීය
ප්‍රේමෙක මහත! පෙම්ගඟ සිඳ බිඳිලාය
ගියත් ගිය නුවණ ආපසු ඇදිය හැකි
එයත් කළ නොහැක නැණ ගුණයෙන් වියැකි
කලත් මෝඩකම් හැදිමිටටත් බරකි
තවත් පමා නැහ ආපහු හැරියහැකි
දුකයි හිතට,එය ඇත්තයි හැමදාමත්
බරයි දෙනෙත්, නැහැ හැඩුවේ කවදාවත්
පෙමයි, කුලගෙයයි පෙරළා බිම දෑවත්
ඉදියි මම මෙහෙම, නුඹ මෙහෙ...යළි නාවත්
.
සිතූ පැතූ සම්පත් දෙන කප්රුකද
ReplyDeleteදවසක ඇද වැටෙයි රහසක් නොවෙ මිතුර
ආලෝකය මදි වුනත් ඉන්නා තැන නිතර
දල්වනු පහන අදුරින් වෙන්නේ අවැඩ
ආලය ආදරය සෙනෙහස ලබන්න
කාලය අරන් හරි මඟ පියමනින්න
ඉර හඳ අරන් රතයට නොම යොදන්න
ගැලපෙන යුගල බැහැ නෙව ලොව හොයන්න
සිත හදුනන සිත හැරදා නොයන්න
ගත සිත නිතර එක තැන බව සිතන්න
දවසක් ඒවි ඉර සදු මුණ ගැසෙන්න
එතකම් ටිකක් ඉවසාගෙන සිටින්න
අසුන්දර යථාර්තය........:(
ReplyDeleteසෙනෙහස වුවත් ගලනා සුන්දර ගඟකි
ReplyDeleteමොහොතින් මොහොත නොසිතු සේ වෙනස් වේවි
හෙට වන දෙයක් දැකුමට අප හට නොහැකි
ඉතින් සිතට සැනසුම පමණක් පතමි
සිත් දෙක නොසීහෙන දෙසිතක් එක් වේද
ReplyDeleteනෙත් දෙක එකම දසුනක් වෙත රැඳවේද
අත් දෙක බැඳන් හිටියත් ගත එක්වේද
යාදෙක නොරත රත කෙලෙසින් පෑහේද????
@ වත්
ReplyDeleteඒදන්ඩේ මට තනියම යන්න බැරි
නුඹගේ හිතට දුක මේ ලෙස දෙන්න බැරි
හැමදා හීනෙකම එල්ලී ඉන්න බැරි
නුඹ සිහිවුනත් කැන්දාගෙන යන්න බැරි
@ Shadow/හේමලයා
ReplyDeleteඇත්ත හොදයි අමිහිරි මුත් අහගන්න
පැත්ත ගියත් විඳවන්නේ නැහ ඔන්න
අත්ත බිඳුන දා පය බුරුලට ගන්න
සත්තකින්ම දුක සතුටින් විඳගන්න
@Malithi
ReplyDeleteසෙනෙහස මතු නොවේ ගැහැණියකම ගඟකි
ආදරයේ ඉවුරු ඇය නිරතුරුව රකී
උතුරා දෙගොඩ තැලුවත් රැකවල් නො‍රැකී
සයුරක පහස නොලබා ඉන්නට නොහැකි
@ SRI MANJULA
ReplyDeleteයාදෙක නොරත රත වී හිතද පෑරෙත
පෑහිත බිදී නෙත් සිත් සසල වීයත
ලෝහිත, කඳුළු වගුරා පලක් නැහ මිත
ලාකඩ එකක් රත්වී අනෙක පෑහෙත