ගිම්හානෙයේ රැඳුනූ
මතක දිග හැරුණූ
සිතක සීතල සිහින බිඳුනූ
වියෝ ළතැවුල්ලෙන්
ගියෝ ගැන විමසිල්ලෙන්
පියා සිතුවිල්ලෙන්
නියාමය කඳුළකට ඇල්මෙන්
සරණා කැළ සියොත්
පුරණා පෙමක සැනසෙත්
කරුණා දයා තෙත්
උතුරනා නුඹ අද කොහේ වෙත්
විපිළිසර වූවත්
ගැයෙන ගී නො ඇසූවත්
සිහිනයක දී වත්
ඇවිත් හමුවී යතොත් යහපත්
.
හීන......
ReplyDeleteකොයි කවදත් හැබැ නොවෙන.......
මොනව වුනත් අතැර නොයන
හීන......
මේ සිහිනෙන් අවදි වන්න
ReplyDeleteලග ඇති දේ දෙස බලන්න
ගල් කැටය‍ට රැවටීලා එපා මැණික් විසි කරන්න
නිතර දකින නිතර සිතන හීනෙම ඇස් රවටනවා
හීනෙට එපිටින් නුඹගේ ලොව කඳුළැලි පවසනවා
ළඟ ඉන්නා දුක බලනා
අය අමතක වී යනවා
සිහින ඉතින් එහෙම තමයි
දවසක බොද වී යනවා
෴ සිහිනයේ නොරැදෙන්න.සත්‍ය ප්‍රබන්ධයට වඩා ලස්සනයි ෴
විහඟය ලොවේ සැප දුක දෙක නිති පවති.
ReplyDeleteබිදෙන සිහින තුල නොගීලි ගලා යති.
ගැලපෙනෙ නොගැලපෙන දේ යැයි සිත සිත රැවටී.
ගින්දර එපා හදකට දුක් කදුලු පිරි.
සරල බව, චාම් බව , තමයි උතුන්ම. මම නම් සිහින දකින එක අතහැරියා. මොකද මම සිහින සැබැ කරගන්න උත්සහා කරන හැම තැනකදිම තවත් කෙනෙක්ගෙ හිනයක් බිඳෙන හින්දා...
විහඟය කාලෙකින් මෙ පැත්තෙ ආවෙ... මාස 4 කින් විතර
@ Shadow/හේමලයා
ReplyDeleteදිනකදි හැබෑ වෙන
තව දිනෙකදි බිඳෙන
එනමුත් සිත් බැඳුන
සිහිනයම නිති දකින සිහිනෙම
@වත්
ReplyDeleteසිහිනයෙන් මුදවා
දෑස් එළි සදවා
උපැස් යුඟ ගලවා
ලොවක තතු පහදවා සොඳවා
සීතල සිහිනයක
නො‍රැදී පියවි දිවියක
දෑස් ඇර අරුමෙක
නුඹත් ඒ සිහිනයම දැක දැක
@රවා
ReplyDeleteකලකින් හෝ ඇවිත් යන හිතවත පිරුණු
කවකින් කිවිය යුතුදේ කියවනු නොහෙනු
හිතකින් සබැඳි, හීනෙන් එපිටට ඇදුනු
සුපසන් වුවත් සෙනෙහස බැහ අත් විඳිනු
ගැයෙනා ගී ඇසෙන්නයි
ReplyDeleteසිහිනය සැබෑ වෙන්නයි
බිදුනු සිත් රැකෙන්නයි
ඇවිත් ඈ විත් මුනගැසෙන්නයි