ඇවිත් ගැයූවත් කවි ගී පද සින්දු
තවත් මොන කතාවද කඳුළකි රැන්දූ
ගියත් අතැර නෑසෙන දුරකට කැන්දූ
ගයත් මෙ කවි සීපද නුඹටම ලන්දූ
දැනත් නොවේ නම් නොදනිමි යැයි කියනු
කොහෙත් බැරි දෙයකි දැනවුන් කළ කරුණු
එහෙත් බොහෝ දේ දැන දැනමත් කුළුනු
ගුණෙත්, නුඹෙ පිළිවෙතත්, සොඳුරුය පිරුණු
ඇවිත් යනු නොහේ නෑවිත් යන්න බැරී
තවත් ඒ සිහිනයේ රඳවන්න බැරී
නුඹත් තවත් හිතකට පෑහෙන්න හරී
නැවැත්විය යුතුය වෙදකම නොකර බැරී
නෙතත් කඳුළු උසුලා හදකට සුසුම
ගෙනත් දී කළේ මම වරදකි ලොකුම
තවත් පමා නැතිකල, නොපිරෙන පැතුම
පවත්වා ඇයිද?කිමිදෙනුයේ එහිම
සියත් කුල මියුරු ගීයක රස වියැක
තවත් බොහෝ ගී රස විඳිමින් දොහක
නුඹත් දිවි කඳුළු පිසදාලන කලෙක
මමත් බලා ඉන්නෙමි දකිනට හනික
නියමට ලියනවා නේ...ඔන්න කියපු විදිහටම රත්ගමය පොරොන්දුව ඉටුකරා..දිගටම එනවා
ReplyDelete@ර ත් ග ම යා
ReplyDeleteඇත්තම කියන කිව් විදිහට වැඩ කරණ
සිත්තම ලෙසින් අත් දු‍ටු දේවල් ලියන
පත්තරයටත් පෙර පුවතින් බ්ලොග් මවන
රත්ගමයා යෙහෙකි මේදෙස විත් යනෙන
තවත් පමා නැතිකල, නොපිරෙන පැතුම
ReplyDeleteපවත්වා ඇයිද?කිමිදෙනුයේ එහිම
ලස්සනයි අදත් කවිය.
මැණික්(සුළඟ)
@මැණික්(සුළඟ)
ReplyDeleteපිපෙත් පැතුම් හද මඬලම පුරෝගෙන
සැපක් මය හිතට එය ඉ‍ටුවෙනා දින
පැවැත්මක් නොමැති කළ නොපිරෙනා පින
නැවැත්තීමකින් තොර විසදුමක් වෙන
සරනා කල්හි හසරක් නොමැතිව සසර,
ReplyDeleteපෙලනා හැඟුම් වද දී සිත තුල නිතර,
කරනා මෙල්ල හැකිනම් වෙයි දනු පවර,
දියනා දෙසූ දහමද මෙය මයි මිතුර,
@ Ravi
ReplyDeleteසිතුවිළි ක්‍රියාවම වේ නම් අනුදත්ත
මැසිවිලි එලෙසමයි හිත සඟවා ගත්ත
ළතැවිලි වුනේ පුහුදුන් අපටයි , සත්ත
සැනසිළි ගෙනෙන්නෙත් ඒ සිතමයි ඇත්ත
රොබින් කුරුල්ලෙක් දුර අත්තක ඉඳ
ReplyDeleteගී ගයනව ඇසිලයි ආවේ
දුක් ගී තනුවක
පෙම් ගී අණුවක
රැදුන සමරු සටහන් දුටුවේ
සිත නිදහස් විට
දැනෙනා සැනසුම
රොබින් කුරුල්ලත් දැන් දන්නේ
ලැබිලා නොලැබෙන
නොලැබී ඉටු වෙන
සොඳුරු පැතුම් දහසක් දුටුවේ
දවසක හමුවෙන පැතුමක් පොදි බැඳ
මා නැවතත් එන්නට ආවේ....
බෝදුර පියා සලා තටු ඇත වෙහෙසිලා
ReplyDeleteහිඳිනට ලංවෙලා සැඳෑ කල එක්වෙලා
පමා නොවී වේවා ඒ පැතුම සපිරිලා
උදාවෙන තුරු එදා පියාසලමු තටු සලා
@ වත්
ReplyDeleteඇවිත් කියාගෙන ගී
සරමින් නිබඳ
නොයෙක් තාල ගෙන දුන්නේ
නුඹ නොවෙද
තවත් කියන්නට ගී පද
නොපිරුනද
ඇවිත් කෙදිරුමක්
ඉදහිට අසනවද
@ ගල්මල්-Coral
ReplyDeleteතනිවූ සිහිනයේ
තනිවී නැති හින්දා
පෙරමඟ බලාගෙන
ඉගිලෙන්නෙමි කැන්දා