සඳ වතක් වුනා නුඹ මට,
තරු නෙතක් වෙලා නුඹ හට
මුඳු සෙනේ ඉතින් දුර සිට
විඳිනෙමී නිතින්
දුරුනොවී නොගොස් ඈතක
පිරු පෙරුම් වලින් පෝසිත
සිහිනයක් නොවී මාසිත
රැඳුනි දෝ ළඟින්
නෙතු පියා නිදන යාමෙක
සිත ඇඳුන රුවම සිහිනෙක
පැටළිලා ඇවිත් නුඹෙ වඟ
කොඳුරලා ගිහින්
දුර ගියත් හිමව් වන වැද
පෙර පිනම ගෙනා සඳ වත
මෝඳු වෙන තුරා මඟ රැක
හිඳිනෙමී ඉතින්.....
කලකට පසුව ආවෙමි කවි අසන්නට..
ReplyDeleteවෙනසක් නොමත මට නම් පෙනෙන්නට..
මෙතරම් රසට කවි පද වැල් ගොතන්නට...
අඩුවක් නොමැත කවදත් වගෙ කියන්නට...
අදමයි මේ පැත්තට ආවේ. මම නම් කවි ලියන්ට දන්නේ නෑ. හැබැයි රස විඳින්ට දන්නවා.
ReplyDeleteලස්සනම ලස්සන කවි ටික.
@ priyantha.ඒබී
ReplyDeleteගෙනවිත් මගේ මතක නොයෙකුත් ඉසව් අරා
නුඹවිත් ගිය වගත් මම මතකයෙහි දරා
හැමදාමත් නුඹේ ගෙට විත් නුඹට හොරා
ගිය බව දන්නෙහිද නිමි නැති වැඩත් වරා
@ Podi Kumarihami
ReplyDeleteවිස්සෝපයෙන් අත්තම්මා ගැන සිත්තම්
විස්තර ඇතිව මම මෙහි දැක්කේ නැත්නම්
ඉස්සර වලව්වල හෝ වාසල ඇත්තන්
දස්කොන් වෙලාවත් ඔහෙ එන්නට ඇත්නම්
ගනඳුරින් වැසුනු වනපෙත,
ReplyDeleteමංමුලා වැලක පැටලිනි,
අරමුණක් මඟක් නොදැනම,
දසත ඇවිද්දෙම්,
විඩාබර දෙපා සනහන,
රිසින් ඉසුඹු ගෙන සිටියදි,
කලුව කපා පෑයූ සඳ,
දුටිමි කඳු මතින්,
කොඳ කැකුලු පුබුදු කරවා,
මුදුන් වුනු පුරා සඳ වත,
දෙසම නෙත් යොමා සිටියෙමි,
පහන් වන තුරා,
සඳ නුඹත් ඔතැන දිදුලයි,
මම මෙතැන වැතිර සිටිනෙම්,
සැනසුමක් ගෙනෙනුයේ නුඹෙ,
සිහිල පමණකී,
@ Ravi,
ReplyDeleteපිපුණ කොඳ කැකුළු මුවමත
සැදුන මඳ සිනා දු‍ටු සඳ
මසිත නුඹ කෙරේ බැඳි පෙම
පසක් වී මනා
විඩා ගත තවා සනහන
මගේ සඳ කිරණ සමහන
නුඹේ ගත සිතට පනදෙන
දිව ඔසුව වෙලා
දිවා රෑ දෙකේ නුඹ දැක
නුඹ ගැනම සිතා පිළිසිඳ
හිතේ පීදෙනා සෙනෙහස
නුඹටමයි සදා
ලස්සනයි මහත්තයෝ....
ReplyDeleteරසවින්දා අඩුවක් නැතිවම...
ඔය පලාතේ කලබොල නැත්ද මහත්තයෝ...
අපට ලැබෙන තොරතුරු නම් ටිකක් නරකයි...
@ තිස්ස දොඩන්ගොඩ
ReplyDeleteඇවිදින් විහඟ ගී රස විඳිමින් තු‍ටුව
මා උන් ඉසව්වේ තොරතුරු ගැන ඇසුව
හිතවත් තිස්ස මල්ලියේ,පවසමි දු‍ටුව
දේවල් නම් නෙතට කඳුළකි එක් කෙරුව
මා ඉන්නා ඉසව්වෙන් ගව් යොදුන් දුර
නගරෙක සිද්ධ වුන ගැ‍ටුමක් ගිහින් දුර
පරසිඳු "ලුලූ හයිපර්මාර්කට්" කඩා හැර
ගින්නක් ඇවිලුවා කවුරුන් නමුත් හොර
ගැ‍ටුමින් මෙරට පුරවැසි දෙදෙනෙකුන් මළා
තව තිහ හතළිහක් කුදලා ගාල් කලා
නොතබා මිනිස් පොළිසියේ ගැ‍ටුමකට පෙලා
පසුදා ඔවුන් හැම දෙන ඉන් මුදා හලා
ටියුනීසියාවෙන ඇරඹී ගිය රැල්ල
ඊජිප්තුවේදී වූවට කැලඹිල්ල
ලිබියාවට ගෙනත් දුන්නත් කැරකිල්ල
මෙහ නම් තබා ඇත තිතටම නැවතිල්ල
මදෑ...!
ReplyDeleteතමුන්නැහැ කරදරයක් නැතිව ඉන්න බ්ව දැනගත්ත එක ලොකු දෙයක්...
@ තිස්ස දොඩන්ගොඩ
ReplyDeleteතු‍ටු සිත් තබා ගෙන බ්ලොග් ලියමන ලියන
පි‍ටු පත් පුරාවට හද ඇදී ගී මවන
ව‍ටු කැල ඉඟිලුනා සේ හකුලා කෙමන
පි‍ටු දකිමින් අඳුර අපි යමු මේ ගමන
නුබ ගැබ දිලෙන තරු
ReplyDeleteසැරසී රටා මවනා'යුරු
දැකුමට නෙතු මියුරු
බලන් සඳවතිය යනා'යුරු
සැඟවී බලන සිත හඬනා
අඳුරු අහසෙම තරු දිලෙනා
සඳවති කෝමෙයි වාවනා
බලන් වට වට මෝදුවෙනා
නිදිවරා සඳ නැගෙන යාමෙක
ReplyDeleteඇවිත් ගයනා විහඟ ගීතය
මත්කලා මගේ හද ගැබ
හදිසියේ නෙත ගැටී අද දින
ඩීන් සොයුරාගෙ ලිපි මැද
තිබී හමුවුනි විහඟ ගීතය
රැඳ වුනා සිත සඳවතක් ලඟ
වින්ද විරහව මත් කලේ සිත
@ ගල්මල්-Coral
ReplyDeleteහද පුරා නැගි සොඳුරු වත
සඳ වතට හැංගීලා
යනතුරා නෙතු මායිමෙන් පිට
හිඳිමි ලංවීලා
එනතුරා මඟ බලමි දවසක
නෙත් කැළුම් පාලා
පෙම පුරා මම නුඹෙ නමින් අද
හිදිමි තනි වීලා
@C handi
ReplyDeleteසඳ නැගී නිදි වරණ යාමෙක
හඬා වැ‍ටුනද සිත රැදී දුක
තබා තිත නො‍රැදුනද අසලක
කොහේ වද, බැඳුනිදෝ සෙනෙහෙක
පිපාසිත වී රැදී කතරෙක
දිය බිදක් මිරිඟුවෙක දැක දැක
විඩා දුනි මිරිඟුවම ලුහු බෑඳ
නිවේ සිත සඳ දු‍ටු ඇසිල්ලෙක