ඉරිදා දහම් පාසල්
හෙටින් අමාවක එළැබී වසන තුරු
ගෙයින් පිටට ඉරිදා යනව නම් බොරු
සුපින්වත් ළමෝ වෙමු දහමටම හුරු
ඉතින් ආයුබෝවන් සියලුම මිතුරු
කඩක් පිලක් මුල්ලක් හෝ අත නෑර
ඉඩක් ලදත් හමුවනු බොරු මේපාර
කුමක් හෝ කියා ගෙදරට වී සූර
පවක් කරණු බැහ ඉරිදට මේ පාර
සතර අගතියෙන් මිදෙනට මග සොයන
නිතර දහමටම නැණ ඇස මෙහෙයවන
හතර පෝයටම සිල් ගත්තා නොවන
විතර මුත් දහම් පාසැලටම ඇදෙන
මාර සෙනඟ අවි ඔසවා බැන වදින
වීරයින් වෙන්න ලාබෙට පැන නටන
සූරයිනි නිතර බොරදිය මත යැපෙන
කාරණාව නුඹලගෙ අතටම පැමින
ලියන්නට පාර පිරෙනා තුරු යසට
යැපෙන්නට තවත් කලකට ලෙස නිවට
අඬන්නට හිටපු නුඹලාගෙම ඇහට
සිතුම් පැතුම් රටකට නිවහල් කරණු
උතුම් පරපුරක් මතුවට බිහි කරණු
පැතුම් මල් පිපෙන හෙට දවසෙදි තුරුණු
දහම් දිවයිනට මං පෙත එළි කරණු
4 comments:
දහම් දිවයිනයි පෙරදා නම් දරපු
උතුම් ගුණ දහම් කොයිබද එක් කරපු
පැතුම් මල් දිලෙයි සුදිලෙයි සිත් සදපු
දහම් දිවයිනක් නැවතත් අපි සදමු
@ වත්
ඉල්ලුම මත රැදන සැපයුම් තුලාවේ
පල්ලම නරක නැහ ටියුෂන් කලාවේ
අන්තිම ඇනය නොගසා දම් අමාවේ
දන්මම පටන් ගත්තොත් වාසනාවේ
දරුවන් ටියුෂන් ලබාගෙන
එනතුරු හිස්තැන් පුරෝගෙන
බැරි බර කර තියාගෙන
මව් පියවරු මග බලාගෙන
ඉන්නේ කිමද දන්නව රොත්ත
ඕඩු දුවපු තුවාලයකි ඇත්ත
පැලස්තර පලක් නොවේ සත්ත
අවැසි බෙහෙත කරපිය හැත්ත
ටියුෂන් බරකි කෙළි සෙල්ලම් පොඩි සිතට
නැණ බල බෙදයි නම් ජාතික පාසැල රස යසට
තැලෙන්නේ නැහැ නොවෙද මල් පොඩි පොත බරට
දහම් සිසිල පමණක් නොව අනේක කාලා රැකේවි රටට
@ ගල්මල්- Coral
එදත් අදත් උගතුන් බිහිඋනෙන් නිති
වියත් සභා හෝ අඩුවක් නොවිය මති
කියත් ගිරා පෝතක දැනුමක් නොමැති
නමුත් මල්පිපේ සුවදත් ගුණත් ඇති
Post a Comment