සියළු දොස් නැසේවා
නව අරුණළු පිපේවා
මෙත් සිත් සැදේවා
සැමට මින් යහපතක් වේවා
හතලිස් අටේ සිට
හැත්තෑ දෙකන් පසුවට
ව්‍යවස්ථා පි‍ටුවට
පැලැස්තරනම් මතක නෑ මට
බලය ලත් කවුරුත්
බලය දා යනු නොමවෙත්
බලය පිළිබඳ සිත්
සැදී බලයෙන්, බලය ලැබගත්
කවුරු රට කෙරුවත්
කියු ලෙසම නැත පිළිවෙත්
එගැන විමසීමත්
මොළේ කඳුළක් වෙතොත් නොමවෙත්
මිදි ඇඹුල දැනිලත්
දැත් ඔසවා මුදුනත්
වින කළ අය ඇවිත්
මිදි ඇඹුල් බව අපිට පවසත්
එදා මුන් අනුදත්
මෙදා හොද නැහ කීවත්
කළු කෝට් ඇදලත්
නිරුවතින් බව තොමෝ නොදනිත්
කළ කිසිත් නොමදත්
නැතොත් දැනගෙන නොකරත්
අප වැනි අය තවත්
උනු නිසා කිරි නොබී ලතවෙත්
රටත් ජනතාවත්
මිරිකෙන දුකින් බලවත්
මුදාගෙන සුවපත්
කලොත්, ඔබමය රජුනි යහපත්....
4 comments:
විසල් මහ පොලොවට
ප්‍රජතන්ට්‍රවාදය බිඳක්
අනේ ඒ බින්දුවත් මක්කටෙයි
ඒකත් විදායකෙන් වහල
මැතිවරණ ඕෆ් කලානම්
ඒකට යන වියදමත්
ඔය උත්තමයීන්ටම ගතහැකි නෙව..
හෙට අනිද්ද මැතිවරණ ඕප් කරන්නත් පනතක් එයි. ඒකටත් මේකට වගේ විද්වත්තු, කාලකාරයෝ, උගත්තු කෙස් පැලෙන තර්ක ඉදිරිපත් කරල ඔප්පු කරයි ඒක හරි කියල.
@ indi
කොලේ යන මීවා කොල කන කතාවේ
වැලේ අතට මැහි ගහනා කලාවේ
බලේ සමග පි‍ටුපා මං මුලාවේ
මලේ නොවන් කිසිදා හුදකලාවේ
@ ``` Outsider```
එකලා අද වගේ නොව හරි වෙනස් වෙලා
කුකුළා අලියගේ හිස මත හරස් වෙලා
ඔපලා ව්‍යවස්ථා තිබු දෑ වෙනස් කලා
අපිලා විඳින්නේ ඒ පව් අළුත් වෙලා
Post a Comment