Tuesday 17 May 2011


නොකියු වෙසක් කවි



බුදු, පසේ බුදුන්ටත් දෙවමින් නිගරු
හුදු අපේඅපේ කම්වල මං අහිරු
පුදුමෙකී ගෙවුණ ල, හිමියනි මහරු
ඉඳු වෙසක් දොහේ බොහෝ වැඩ නම් බහුරූ
 


සිල් ගනී කෙනෙක් , තවකෙක් සිල් රකින
මල් පහන් පුදා, හිත් මලකඩ කඩන
අල්ලමින් එකම නවගුණ වැල සොඳින
කල් බලයි ඉදන් අල්ලාගෙන කෙමණ


හිත් පුරා ක්‍රෝධඊර්ෂ්‍යා වන් පිරුණ
මත් වෙමින් බොහෝ නොපණත් කම් කරණ
අත් බවෙන් මිදෙන මඟ නැණ නෙත අඳින
සිත්තරා ඔබයි බුදු හිමියනිහැදිණ


ශාස්තරේ දැන නොදැනුණ සේ ඉදිති
ඈත්කරේ දහමයි, පන්සල් වැහෙති
පාත්තරේ දන් නොව ,මුදලින් පිරෙති
මෝස්තරේ කට කවුරුත් පින් කරති


ගෙවී සිය දහස් වසරින් කල් පිරුව
නොවී සැනසුමක් වල්මත් වී දුරුව
සෙවීමට මඟක් මෙතුවක් කල් බැරුව
අනේ හිමියනේ අපි පෙරළන් ඔරුව





කවි සොයා බලමු
කවි කිය කියා ඉදිමු
කවියෙ රස විඳිමු
තවත් අය හා බෙදා ගනිමු 

5 comments:

තිස්ස දොඩන්ගොඩ said...

"අත් බවෙන් මිදෙන මඟ නැණ නෙත අඳින
සිත්තරා ඔබයි බුදු හිමියනි! හැදිණ"


අපූරුයි මහත්තයෝ...!
සසරින් එතෙර වෙන්ට හේතු වාසනා වේවා...!

විහඟ ගීතය said...

@ තිස්ස දොඩන්ගොඩ,

ඒ පිනෙන් ඔබත් මේ සසරින් මිදෙන
පෙර ගමන් යන්න මා සමඟම එන්න
කලපවින් අපිව කතරක රඳවන්න
නෑඉඩක් ඉතින් මතු බවයක ඔන්න

ගල්මල්-Coral said...

නොදැණුනාට නාහෙට සුවඳ
බණක් ඇසුවෙමි සිත් ආර වැඳ
උසට උසේ නොවුනාට බඳින
ඉමිහිරි පද පෙල මැව්වා තොරණ

මහතුනේ පදපෙල සුවඳයි. සිසිලයි. මේ තෙමඟුල් සමයේ සියළු සිත් බැතියෙන් බරවී සතුට හා සාමය ලොව බැබලේවා!

විහඟ ගීතය said...

@ ගල්මල්-Coral

ඉන්නට පිනක් නැති සිල් සුවඳක යාව
වෙන්නට තිබුන ලෙස අපි කතරෙහි පාව
ගන්නට පොදිගසා රන් මසුරන් හාව
යන්නට මඟ සොයමු නිවනට හිත පෑව

ගල්මල්-Coral said...

සිත් ආර - බොහෝ සිත්ගත් තැනක්,

සබැඳිය:
http://sith-aara.blogspot.com/2011/05/blog-post_17.html