අළුත් ජනකවි 7 මෙතනින් කියවන්න
පියයි මගේ උරුමය, එලෙසම රැක්කා
ගියයි ඔහුත් පුරවැසි පෙරමුණ එක්කා
ළමයිනේ වෙමින් නුඹලට දැනමුත්තා
මමයි රටට නොව සිරිකොතටම ලොක්කා
හම්බන්තොටට සව්සිරි ඉතිරෙමින් පිරි
නැව් තො‍ටුපොළ ගුවන් තො‍ටුපොළ ගිමන් හරි
මංමාවත් හැදෙයි පාලම් වෙමින් සරි
සංවර්ධනය වෙයි කවුරුත් කොහොම හරි
වී මිල අඩුවෙලා ගොවියෝ වහ බොනවා
හාලේ මිල දැකල වැසියෝ දෙස් දෙනවා
සිල්ලර සටන් පාටය සටනට එනවා
මහරජ! කැකිල්ලේත් කැසපොට අමුනනවා
කියත් බොහෝ දේ ඡන්දෙට පද බැදලා
වියත් හූ නොවෙති අපි හරකට ඇඳලා
තබත් නුඹ ගැනම හිත අහිතක් නොබලා
නමුත් අයවැයෙන් නුඹෙ පතටම බෙදලා
නොදනිම් ඉලක්කම් හරබය නුහුරු බැවින්
හිදිනෙම් මඟ බලාගෙන බත ඉදෙන සැනෙන්
වියදම් පිරිමහා ගන්නට නොහැකි කමින්
බලනෙම් ආශ්චර්ය්‍ය, මෙහි රැගෙන වරෙන්
2 comments:
කලකට පසුව නොවැ කවි එළියට බැස්සේ.....
මී පැණි බිංදු ඒ කවි අස්සෙන් බේරේ.......
පෙර තිබු රසය බිඳුවක් නෑරම ඇත්තේ.....
දිගටම වරෙන් අපි කියවමු සිත් සතොසේ....
@ අභීත
පොඩ්ඩක් හිනාවෙන්නට කිසිවක් නැතිව
දැන් සති දෙකකි, කවදා පුරවයි අඩුව
ජනකවි කිය කියා කල් ගන්නේ නැතිව
කාටත් හිනා වෙන්නට පුරවන් පි‍ටුව
Post a Comment