මල් උයන් මැදින් අත බැඳ ගිය තාලේ
විල් තෙරේ පිපුන මල් දැක බැඳි ආලේ
වල් වැදී මතක පොත අකුලන ලීලේ
කල් බලන් හිටිය හොදටම ඇති රාලේ
පින්නේ පිපුන බිම් මල වාසනාවන්
උන්නේ කොහිද මෙතුවක් වී මුලාවන්
දන්නේ නැති නමුත් සිතිවිළි මනාවන්
එන්නේ ඇයිද මේ ලෙස වැහි වළාවන්
රං මලේ වරුණ රන් මල නොදැක ගයා
ලං වෙලා හිතට, හිත ගිය කරුණ සොයා
තුං යමේ සිහිනයේ නිදි නැතිව පියා
මං මෙහේ අවදියෙනි නුඹෙ නැතිව දයා
දුකින් දුක නසා පේවෙන සැපතකිය
හිතින් නෙතින් වැලපීමද අපුලකිය
කොහෙන් කෙලවරද, ඒ මඟ නොවැලකිය
යෙහෙන් කොහේ හිටියත් මට සතුටකිය
3 comments:
යෙහෙන් කොහේ හිටියත් මට සතුටකිය.
ලස්සන කවි පෙලක්.
මැණික්(සුළඟ)
@ මැණික්(සුළඟ)
පුවත් දැන නොදැන හෝ නෙත් පියාගෙන
ගෙවත් බොහෝ කල් අපි දුක දරාගෙන
කැමැත්තක් ඇතත් සිතිවිළි දවාලන
විපත් වියෝගය අනුදත් විලාසෙන
Lassanama Lassanayi !!
Post a Comment