විසිරුනු සිතැඟි එක්තැන් කොට බැඳ තබන
සැඟවුනු සිනාවක නිමි මතකය රැගෙන
බොඳවුනු සිතුවමක, නෙතු කඳුළක් දකින
ගතවුනු මාස හතරක දුර, ආ ගමන
ලියවුන යමක් වෙයි නම් කියවා බලන
යන එන ගමන් ගුණ දොස් එහෙමත් ලියන
හමුවෙන නමුත් කිසිදා දැක නැති බැවින
සටහන ඔබට වේ නිති මට දිරි දෙවන
කවදත් සොඳුරු මානෙක නිම් හිම් දන්න
ඔබවිත් සවිය දුනි කවි මඟ ඉගිලෙන්න
නැවතත් ඉඩක් ලද විට මේ දෙස එන්න
අයෙමත් විහඟ කවි, ගී අහලා යන්න......
