Sunday, 18 April 2010

කල් බැලීම........

කල් බැලීම............                      

පිපී මුව තඹර ලෙද
දකිනු රිසි නොවුනද අද
ඉඳ සිප බැද වැළද
කියු කතාවන් මතක නැතිවද ?

ආ ගිය ගමන් මග
සැමරුම් නම් නොවේ හිග
වියලි සෙනෙහෙ ගඟ
කීමද කදුලක් වුනෙ නෙතු අඟ

ක‍ටු කොහොල් පිරුණු
බිද මහපවුරු බැඳුනු
නුඹට කැප කෙරුණු
කැකුළු මල කෙලෙසකද තලනු

නියං මහ සායේ
දිවි මඟ දුකම වුයේ
නමුදු අත පෑයේ
වෑහි වලාවක දෙවිදු  නාවේ

නොවී සිත එකලස්
ඉකිබිදී හිනැහුනු  ඇස්
සදා දී දොම්නස්
නොපෙනෙනා ලෙස බොහෝ    දුර ගොස්

පැමිනි මඟ  සිහිවී
දෙපතුල් රිදුම් දේවී
සිහිනයක පාවී 
ඇවිත් නළලත සිඹිනු පේවී


සි එස් බණ්ඩාරනායක

2 comments:

wath said...

නියං මහ සායත්
පිපිදුන වසන්තයටත්
නොවෙනස්ව සිත් ගත්
ළඳුනෙ ඔබෙ ආදරය මනරම්... ( කියල හිතන්න)

මතක මන්දිරවල
ගොඩ නැගුණ සිතුවිලි වල
ඔබ තවම ඈයමය
සුවඳ ඈත තව මගේ තනියට ..... ( කියල හිතන්න)

විහඟ ගීතය said...

පිපී දිඳුලන ඇස්
වල නොරඳවා දොම්නස්
පිදූවත් සෙනෙහස්
ගඟට කැපු ඉනි සේය සුවහස් ( කියල හිතුන වාර අනන්තයි)

මතක අමතක් වී
සිතිවිලි විපරීත වී
සෙනෙහෙ ගඟ වියලී
හැඩූ කඳුළින් සුවද වියැකී ( කියල හිතුන වාර අනන්තයි)