Monday 30 August 2010

ශක්තිය දී රජුට සතුරන් ගෙට ගත්තෝ.....අළුත් ජනකවි 4


අළුත් ජනකවි 3

රජතුමා බොහොම ඉහලින් දක්කනවා
මංඩලේ කචල් තිබුනත් මක්වෙනවා
සිරිකොතේ ඉන්න කාළය දික් වෙනවා
මං හිතේ ලෙසට තොප්පිය පළදිනවා

සීනුව රටවටේ ඇරගෙන කැරකිල්ල
මාරුව පෙනි පෙනී හිතයට ළතැවිල්ල
වීරිය පාරමී වැඩුවට ‍රැවටිල්ල
කාරිය කෙරුණු පසු කාගෙත් ගෙරවිල්ල

පැන පැන ඇවිත් පාරම්බාමින් වස්සා
අණ වින කලෙන් රජුටත් පෙන්නා පස්සා
කළ ගුණ නොදත් උන්දැල දඟ ගෙට බස්සා
යන යන අතට ගහපිය දැන් උලුවස්සා

හැත්තෑ හතේ බලයට ඇවිදින් බිරුවා
විජ්ජා පෙන්නමින් කළගෙඩි එළි බැලුවා
නිස්කාරණෙ බලය එකතැනකට බෙදුවා
මුත්තා පල්ලා කීවත් අයේ ගනු බැරිවා

යුක්තිය හා සමය නිරතුරු ‍රැක ගත්තෝ
සොත්තී උපාලිට  සැලියුට් ගැසු ඇත්තෝ
ශක්තිය දී රජුට  සතුරන් ගෙට ගත්තෝ
භක්තිය පාමු කේ.පී ටත් වී ගැත්තෝ

හානා හීය බැරි බව අඬහැරෙන් දැනේ
නානා එන්නේ ඇයි කියලා ඉවෙන් පෙනේ
නේනා එවුන් ගැන  ගයමින් මොටද ගුණේ
වීනා ගහමු අපි එකසිය පනස් තුනේ

12 comments:

Shadow/හේමලයා said...

වන්දිභට්ඨයන්ටම ගිය රට....කොඳේ ඇට කැඩෙන තුරු නැවි නැවි ඉන්න බැරියැ......

විහඟ ගීතය said...

@ Shadow/හේමලයා

කවුරුන් රජ වුනත් වැඩ කටයුතු ඔහොම
සිදුවෙන පිළිවෙලට වැට බඳිනුද කොහොම
කියමින් එකක් කරනුයේ වෙනැකකි බොහොම
අයෙමත් ඉතින් එනතුරු ඉදිනුය ඔහොම

Abeetha Edirisinghe said...

තමන් බලේ සිටිනා කල් හෙණ ගැහුවත්...
රටේ ලොක්කා හට දැනේද කිසි කලෙකත්...
ඉන්න උනුත් වැඩකට නැත පැත්තෙ අනිත්..
ඒක නිසා මුන් පනිනවා හොදට උඩත්....

ලංකාවෙම තියෙන සල්ලි හය හත් දෙනෙකුට..
බෙදිලා ගොස් වගේ පේනවා නොවැ වපරැහැට...
වපරැහැ ඇත්තක් කියනා බව දැනෙනකොට..
පෙරහර ගොහිල්ලා ඉවරයි නොවැ පංසලට..

එදත් අදත් හෙටත් අපිව රකිනා දෙවියෝ..
දෙශපාලනේ කරනා අපෙ ලොකු ඇත්තෝ..
දිනුවත් පැරදුනත් උන් උඩ යයි ලෙස දෙවියෝ...
අපි කවදත් ඇටකටු ලෙවකන චොර බයියෝ....

විහඟ ගීතය said...

@ අභීත

දනිතත් මේ බොරුව ඉන් ගැලවෙනු බැරුව
මීටත් වඩා ලොකු බොරුවක් හට බිලිව
යුග යුග ගනන් නිතරම මුන් හට කෙරුව
උන් ගොඩ ගියා අපි මෙහ එන තුරු ඔරුව

නම ගිය අපරාධ කරුවන් හට ඇරුණු
හැම රජ කෙනෙක් මත් පෙන්වා ඇත කුළුණු
අද කේ පී එදා කැළණිය වල් වැදුනු
සොත්තී උපාලිත් වැජඹෙන වර ලැබුනු

කතිරය ගසා විතරක් හිදගෙන බැරුවා
ඉතිරිය ඉල්ලගෙන යායුතුමයි ගොරවා
ඉතිරෙණ ගුණ වැයෙන මෙත් කරුණා පොරවා
හැම කිල්ලෝටෙමත් ඇති හුනු එළිවෙනවා

Anonymous said...

අගේ ඇති කවි ටික.. !

Unknown said...

ඔයා ලස්සනට ලියනවා

charmi said...

වීනා ගහමු අපි එකසිය පනස් තුනේ

පට්ට...!

priyantha said...

ටික දිනකට පසු ආ දින මේ පැත්තේ...
කවි පද රැසකි කියවීමට අද ඇත්තේ...
රසයෙහි අඩුවකුත් කිසි කලෙකත් නැත්තේ...
කියවා දැන ගතිමි ඇත්තම තත්තේ...

කාට කියන්නද අපි මේ අවනඩුව..
රෑට නිදන්නේ අපි කෝමද නිවහල්ව..
එදා සිටන් අද වෙනතුරු කෑව..
ලණුවල අරුම බල ඇස් ඇර පේව..

විහඟ ගීතය said...

@ sameerausa

ඇබ ගසා ගෙන ඔවුන් කරයි කළ යුතු හරිය
ඔබ වගේමයි මටත් බලන් ඉන්නට බැරිය
කබරගොයි නම් හොදයි තලගොයින්ටත් වැඩිය
සුභ අනාගතයකට කියමු අපි අපේ කවිය

විහඟ ගීතය said...

@ dusika

හිතක සිතුවිළි නිතර මිහිරි කවියක් වෙලා
කොනක සැඟවී සිටිත් දී නුඹට හමුවෙලා
නොදැක උන්නත් මෙසේ කාලයට ඉඩ හලා
මතක පොත අතර නුඹ තවත් කවියක් වෙලා

විහඟ ගීතය said...

@charmi

නේනා නිසා සමහර අය නොරොක්වෙලා
හානා හීයේ අඬහැර මම වෙනස්කලා
පීනා එතෙර වන්නට හොද තැනක් බලා
නානා කෝකටත් හොද තයිලයක් වෙලා

විහඟ ගීතය said...

@ priyantha.ඒබී

හොදටම දනිද්දිත් අපි කන බව ලණුව
කළයුතු දෙයක් නැහ හැර බලයක් දෙනුව
මුන් නැත්නම් අරුන් ඇවිදින් බලගතුව
කන්නේ අපිම මයි හැමදාමත් ගුඩුව

හැත්තෑ දෙක ලබන කම් රජ සැප විදින
ස්ථාවරය තිබිලත් තව ලොබ බඳින
හත් වරිගෙටම උස් තැන්වල පු‍ටු හදන
ඉත්තෑවට වෙච්ච දේ දෝ අපි දකින