බිඳුනු සිතුවිළි සෝදා
රැ‍ඳෙනු පින සාදා
හිඳිනු අත් බැඳ මඟ නොවරදා
සිතුම් බොඳ වූවයි
හැඟුම් බර වැඩිවේ මැයි
ඇඬුම් දුක බෝමයි
පැතුම් මල් හැමදාම පීදෙයි
ඇන බැන අඬගසා
පැන පැන නපුරු විලසා
ගුණ ණැන නොවිමසා
වින කෙ‍ටුන දින බලනු විමසා
බොළඳ සිත රත්වී
නොමද තැවුලට පත්වී
දිවිද සුනරුත් වී
නොවිදනා දුකකටම පත්වී
පිපුණු හස‍රැල්ලේන්
දකිනු රිසි වූ කැල්මෙන්
වැකුනු දින බැල්මෙන්
හිඳිනු බැරිවී පුරුදු ඇල්මෙන්
සිත් බිඳුම ඇත්තයි
ගත් බෙහෙත හරි තිත්තයි
පත් අගති දෙස් දෙයි
නවත්වපු තැන තවම සිත් ගයි
නොගෙන සිත් උදහස්
ඉගෙන පාඩම් නොවලස්
හැ‍ඟෙන විට දොම්නස්
සැනහෙනා මඟ විඳිමු සොම්නස්
සියල් සිරිගැන්වෙයි
විපුල් මඟ සිහිගැන්වෙයි
රුකුල් දී ලංවෙයි
එකල් නොකියූ කවිය කියවෙයි.
11 comments:
දුක දුකට හේතුව
නැතිව ඉන්නට සෝකය
බෙහෙත අත ලගමය
කැපකිරිමට බැරිද ප්‍රේමය
එකල් නොකියූ කවිය කියනා
නිතර කවියම ලියනා
ඔබ කවුද හඳුනා
ගන්න ඇහැකිද මූණු පොතෙනා
ඔබෙ අඩවියට වදිනා
කවියෙන් හද බඳිනා
මගෙ මතක ලියනා
කොල්ලෙකි මා නුවර ඉන්නා
මම මේ ටිකට ආසයි......
"
නොගෙන සිත් උදහස්
ඉගෙන පාඩම් නොවලස්
හැ‍ඟෙන විට දොම්නස්
සැනහෙනා මඟ විඳිමු සොම්නස්"
වෙනදා වගෙමයි.....අගනා කවි පෙළක්...ස්තුතියි......:)
පිපුණු හස‍රැල්ලේන්
දකිනු රිසි වූ කැල්මෙන්
වැකුනු දින බැල්මෙන්
හිඳිනු බැරිවී පුරුදු ඇල්මෙන්...
ඇත්තටම ලස්සනයි..
@වත්
ප්‍රේමයේ ගිනි ගෙන
යාමයේ මඟ නොපෙනෙන
ගීතයේ ඇමිනෙන
තාලයේ මුදු ස්වර නොහැඟන
@priyantha.ඒබී
තුටිනි ඔබ හැදිනෙමී
මමද නුවරට නුඳුරෙමි
දුටිමි සුරු හුරු හිමි
මුහුණු පොත තව නොමැත මට හිමි
නිරතුරු සිත සදන
මිතුරෝ යෙහෙකි යහගුණ
සපිරේ නම් ලියන
ඊ තැපෑලට පාර කිව මැන
කර දිය වලලු දැක
පෙර දා පැතූ විලසක
දර දිය අදී නෙක
දුර බනුව දෙනු කතා කල හැක
@.ඉලංදාරිය
හිත ඉලංදාරීය
ගත කල දිවිය රහමය
නොතරම් වුන හරිය
ගෝරි නම් පුත, නොමැත බාරිය
@Shadow/හේමලයා
බැඳුනු අත බරදී
පුදනු මැන හිත සුවදී
බිදෙනු වස් නොමදී
විඳිනු දෙහදක මිහිර රසදී
@Muthu Paba
දෙහද බැඳි ඇල්මට
දෙනෙත යාවුන කැල්මට
නොමැති කල බැල්මට
තවත් එක්වී කුමන පලකට
@විහඟ ගීතය
priyantha.ab@gmail.com
Post a Comment