නුඹ මෙනා ඈ නොවෙද හිනැහුනේ
සිඹිමිනා සඳ තරුද පෑ සෙනේ
නුබ ගැබේ කොයි දෙසද සැඟවුනේ
දුක කියාගෙන මෙදස ආ දිනේ
දුක නුඹටමයි මගේ තේරුනේ
දුක නිවා දැමුවත් පා සෙනේ
ඒ දුකම ඇයි නුඹට පෑහුනේ
දු‍ටුව සිහිනයෙම නිරතුරු බැඳී
කො‍ටුවෙලා ඉන්න සිතුවත් මිදී
පි‍ටුපපා යන්න කරුණුත් යෙදී
දු‍ටු සිහිනයම යළිත් ඉකිබිඳී
හඬනු බැහ කඳුළු සීතළ වැඩියි
රැ‍ඳෙනු කෙලෙසකද සිහිනය බි‍ඳෙයි
මි‍ඳෙනු නොහැකිය නමුත් යායුතුයි
බිඳුනු හදවත් පවා පෑහෙතෙයි........
11 comments:
මුලදී උණුහුම් වුනාට කඳුලුත් පහුවෙනකොට හීතලයි....
සද තරුත් එක්කරන් සැගවිලා..
සෙව්වමුත් නැත ලැබුනෙ නුඹෙ සිනා..
හදවතේ පොඩි තැනක සැගවිලා..
තිබු සිනාවන් දසත විසිරිලා...
සිතුවමින් දෙකොපුලම හැඩ කරන්....
ගලන කදුලැලි මසිත තෙත් කලා...
හිනාවෙන්නම් මසිත තද කරන්
ගලන සීතල කදුළු එක්කලා....
දුක නුඹටමයි මගේ තේරුනේ
දුක නිවන්නට ඇයිද ලංවුනේ
දු‍ටුව සිහිනයෙම නිරතුරු බැඳී
හඬනු මිස සිනාවක් ලඟ නැතී
මැණික්(සුළඟ)
@ Shadow/හේමලයා
සතු‍ටු කඳුළු උණුසුමයි
ඇසට පවා සුව දැනෙයි
දුකට හඬන කොට තමයි
හිතටත් ඒ තෙත ගෙනෙයි
@ අභීත උදය බණ්ඩාර එදිරිසිංහ
එකම සිහිනය දු‍ටුවත්
නිතර හිත කර සුවපත්
බිදුණු කළ එක් වූ සිත්
උරුමයයි කඳුළක තෙත්
@ මැණික්(සුළඟ)
දුක කියමින්ම නුඹවෙත දුක තුරුළු කරන්
ඇවිඳින් ඒ දුකම නුඹටත් උරුම කරන්
පි‍ටුපා යන්න සිදුවුන අරුමයක මෙවන්
කරුමය..අනේ දවසක මට කියා දියන්
බිදුනු හදවත් යාකරන්නට
නොහැකි හින්දයි ලං වුනේ අපි
හදවතේ නුබේ දුක නිවන්නයි
දු‍ටුවේ සිහිනය එක් වෙලා අපි
priyangie
@ ප්‍රියංගී
සිහින උපදියි සිහින මියැදෙයි
ඒත් එක සිහිනයෙම තනිවෙයි
සිතපුරා විඳගන්න සුවඳයි
නෙතු පුරා රැක ගන්න රුව කොයි?
නෙතු පුරා ඇගේ රුව පෙනෙන්නයි
සිත පුරා ඇගේ සුව රැදෙන්නයි
මියෙන සිහිනයේ තනි නොවෙන්නයි
බිදුනු හදවත් යා කරන්නයි
priyangie
බිදුනු සිතුම් මියදුනු හැඟුම් ඔබේ
කාහට නැතත් ඇය වෙනුවෙන් පිපී දිලේ
නුඹෙ හිත ගන්න නුඹෙ අත ගන්න ලොවේ
වෙන කිසිවකුත් නැහැ මට එය ඉවෙන් දැනේ
මියදුනු සිතුම් පණ දී රැක ගන්න ඉතින්
ඇය හා එක්ව නුඹ සතුටින් ඉන්න ඉතින්
නුඹෙ දුක ගන්න මා නාවත් තවත් ඉතින්
නුඹෙ සිත සතුට හැර කිසිවක් කොහිද ඉතින්
නුඹෙ රුව නොවී සිතකට ආලය කරන
නුඹෙ හඩ නොවී ගොළු සිතකට පෙම් බදින
නුඹෙ නෙත නොවී මනසින් නුඹ සිත දකින
නුඹෙ ගෙම නොවී නුඹටම කැපවී සිටින
කරනා කියන දේ එලෙසින් ඉටු වෙන්නයි
පතනා සියළු දේ සැබැවින් දැක ගන්නයි
කියනා ගීය රසවත් සුවයක් දෙන්නයි
සැමදා නැතත් ඉදහිට මා සිහිවෙන්නයි
පමා වෙලා මා ඉපදී නුඹට පසු
අහඹුව හමුවෙලා සිතකින් පෙමක් පැතූ
නොලබෙන දෙයට මා හැඩුවත් නුවන් රතූ
මතුහැම සසරදීම නුඹ මගෙ නොවෙද සිතූ
Post a Comment