ගිම්හානෙයේ රැඳුනූ
මතක දිග හැරුණූ
සිතක සීතල සිහින බිඳුනූ
වියෝ ළතැවුල්ලෙන්
ගියෝ ගැන විමසිල්ලෙන්
පියා සිතුවිල්ලෙන්
නියාමය කඳුළකට ඇල්මෙන්
සරණා කැළ සියොත්
පුරණා පෙමක සැනසෙත්
කරුණා දයා තෙත්
උතුරනා නුඹ අද කොහේ වෙත්
විපිළිසර වූවත්
ගැයෙන ගී නො ඇසූවත්
සිහිනයක දී වත්
ඇවිත් හමුවී යතොත් යහපත්
.
7 comments:
හීන......
කොයි කවදත් හැබැ නොවෙන.......
මොනව වුනත් අතැර නොයන
හීන......
මේ සිහිනෙන් අවදි වන්න
ලග ඇති දේ දෙස බලන්න
ගල් කැටය‍ට රැවටීලා එපා මැණික් විසි කරන්න
නිතර දකින නිතර සිතන හීනෙම ඇස් රවටනවා
හීනෙට එපිටින් නුඹගේ ලොව කඳුළැලි පවසනවා
ළඟ ඉන්නා දුක බලනා
අය අමතක වී යනවා
සිහින ඉතින් එහෙම තමයි
දවසක බොද වී යනවා
෴ සිහිනයේ නොරැදෙන්න.සත්‍ය ප්‍රබන්ධයට වඩා ලස්සනයි ෴
විහඟය ලොවේ සැප දුක දෙක නිති පවති.
බිදෙන සිහින තුල නොගීලි ගලා යති.
ගැලපෙනෙ නොගැලපෙන දේ යැයි සිත සිත රැවටී.
ගින්දර එපා හදකට දුක් කදුලු පිරි.
සරල බව, චාම් බව , තමයි උතුන්ම. මම නම් සිහින දකින එක අතහැරියා. මොකද මම සිහින සැබැ කරගන්න උත්සහා කරන හැම තැනකදිම තවත් කෙනෙක්ගෙ හිනයක් බිඳෙන හින්දා...
විහඟය කාලෙකින් මෙ පැත්තෙ ආවෙ... මාස 4 කින් විතර
@ Shadow/හේමලයා
දිනකදි හැබෑ වෙන
තව දිනෙකදි බිඳෙන
එනමුත් සිත් බැඳුන
සිහිනයම නිති දකින සිහිනෙම
@වත්
සිහිනයෙන් මුදවා
දෑස් එළි සදවා
උපැස් යුඟ ගලවා
ලොවක තතු පහදවා සොඳවා
සීතල සිහිනයක
නො‍රැදී පියවි දිවියක
දෑස් ඇර අරුමෙක
නුඹත් ඒ සිහිනයම දැක දැක
@රවා
කලකින් හෝ ඇවිත් යන හිතවත පිරුණු
කවකින් කිවිය යුතුදේ කියවනු නොහෙනු
හිතකින් සබැඳි, හීනෙන් එපිටට ඇදුනු
සුපසන් වුවත් සෙනෙහස බැහ අත් විඳිනු
ගැයෙනා ගී ඇසෙන්නයි
සිහිනය සැබෑ වෙන්නයි
බිදුනු සිත් රැකෙන්නයි
ඇවිත් ඈ විත් මුනගැසෙන්නයි
Post a Comment