ඇවිත් ගී ගයා අවුරුදු සඳ පානේ
කොහත් කොහේ ගියාදැයි නොදැනෙන වානේ
තවත් මතක මතකෙට නොනැගෙන මානේ
නුඹත් කොහෙද, හෙට අවුරුදු එනවානේ?
විස්තර අසාගෙන යනමං දැන හැඳින
ඉස්සර වුනාවද මම බැඳි වල බැඳින
ඇස් හැර බලන්නෙද පෙරදා දු‍ටු සිහින
නිස්සර අකුසල් ද මේ කුසලට හැරුන
ලිප ගිනි නිවා ගෙන ජිවිතෙහි මං පෙතේ
කැපවී සිටින්නේමි ශුභ නැකත ගෙන අතේ
ඇපයට සංක්‍රාන්තිය නොවෙද ජීවිතේ
අපහට කොහෙද අවුරුදු තවම නොනගතේ
රන්දා සිනා, වත සඳ මඬල කිති කවා
මන්දාරම් කඳුළු ඉකි බිඳුම නැවතුවා
වින්දා අසිරි සිරි තරු පොකුරු විසුරුවා
හින්දා නුඹම, හිරු, සඳ, තරුත් සැනහුවා
..
2 comments:
එරමුදු මල් දරනට පස සරුවෙන්නයි
ගයන කොහා කොහේ හිට හෝ එන්නයි
කැවුම් කොකිස් කිරිබත බුලතින් පිරෙන්නයි
අවුරුදු කුමරිය සුබ කාලය ගෙන එන්නයි
ඔබ හා පවුලේ සැමට සුබ අලුත් අවුරුද්දක් වේවා!
@ ගල්මල්-Coral
අවුරුදු සිරි අසිරි මුළු හදවතින් විඳ
ඔබ මෙන් මමත් මෙහි,ගමරට ගොසින් හද
කොවුලන් ගීගයත්, යායට සිනහ සඳ
එරමුදු මල් දැහට දකිනා දිනක් වෙද
Post a Comment