දු‍ටු සිහිනෙහි මුලා
මම මෙහි පැටලිලා
නුඹ ඉන් ගලවනා
මඟක් සොයමි මනා
නෙතින් සිනහ වෙලා
සිතින් තරහ වුනා
නෝක්කාඩු සිතින්
බලන්නේද ඉතින්
සොඳුරු බවට නුඹේ
කවුරුත් ලොබ බඳී
බැඳි බැමි සිහි නොවී
සිතුවිළි කළ හදී
පිපී දිලෙන නමුත්
මලේ සොඳුරු බවක්
ගෙවත්තෙදී නොවේ
වැටෙන් එහා තරම්
පුවත් නොදැන යථා
නුඹත් දුකිනි මෙදා
ඇතුන්ලවත් ඇදා
දෙනු නුවනක්! සදා
නිහඬ බවත් මහා
හඬක්ය කලබනා
හිඩැස හදෙහි තැනූ
නොදත්ය කාරණා .......
7 comments:
ලස්සනයි ....
මා ලියූවා ලඟදි
නිහඬ බව ගැන පේලි
ඔබ එකවි දුටුවෙදැයි
නොදුටිදැයි නොම දනිමි
එහෙත් ඔබ පද පේළි
දැනේ ඒ හා සබැඳි
ඒ නිසා මට සිතුණි
ලියන්නට එයත් මෙහි
නොයෙක් ගී පද සවණ රැව්දී නිහඬ වෙයි හද ආලයේ
නිහඬතාවය හොඳම ගීයයි හඬින් පිරි මේ ලෝකයේ
@ අවර්ණ
සිතක අසිරි සිරි
මතකෙහි පැටලුනි
නිහඬව සිතුවිළි
දවයි හිතෙහි ගිනි
@ සිතුවිලි සිත්තමට නැගෙනා කවි පොත
නොදුටිමි එකව් විත් පෙන්වන තුරු පාර
හැදිනෙමි කවි සිතක කවි එක්වෙන ආර
යන එන අතර නැවතත් මේ දස නෑර
එන්නේනම් යෙහෙකි කවි කියවමු නොහැර
@ SRI MANJULA
ඔබෙ නිහඬ බව ඇයිද කාරණ
අළුත් මොනවත් නොලියවේ
විහසිතෙහි දොර අඟුළු දමලා
කොයිබදෝ සැඟවී ගියේ
සොඳුරු වදන් වැල් ලියැවෙන පාර අසා
අතුරුජාලයේ පතිරුණු සතර දිසා
විහඟ ගීතයේ මියුරුව විඳින ලෙසා
නොහැර එන්නෙමිය සැමදා සිතින් තොසා
Post a Comment